سه‌رۆكی په‌رله‌مان تاوتوێی چۆنیه‌تی كاراكردنی ئه‌نجامه‌كانی كۆنگره‌ی ئیسلامی له‌گه‌ڵ هه‌ریه‌ك له سه‌رۆكی ئه‌نجومه‌نی شوراو و وه‌زیری ده‌ره‌وه‌ی ئیرانی ده‌كات
سه‌رۆكی ئه‌نجومه‌نی نوێنه‌ران دكتۆر سه‌لیم جبوری، ئه‌مڕۆ شه‌ممه، به‌یاوه‌ری شاندێكی په‌رله‌مانی گه‌یشته ته‌هرانی پایته‌ختی ئیران.
هه‌ر له‌گه‌ڵ گه‌یشتنیدا سه‌رۆك جبوری به‌جیا چاوی به وه‌زیری ده‌ره‌وه‌ی ئیرانی به‌ڕێز محمد جه‌واد زه‌ریف و سه‌رۆكی ئه‌نجومه‌نی شورا عه‌لی لاریجانی كه‌وت.
له‌و دوو دیداره‌دا تاوتوێی په‌یوه‌ندی دووقۆڵی نێوان هه‌ردوو وڵات وچۆنیه‌تی به‌هێزكردنی كرا، هه‌روه‌ها باسكردنی چۆنیه‌تی كاراكردنی ئه‌نجامه‌كانی كۆنگره‌ی ئیسلامی ئه‌و دواییه‌ی له به‌غدا به‌سترا، كه تێیدا باس له قه‌ڵاچۆكردنی تیرۆر و وشكردنی سه‌رچاوه‌كانی كراوه.