سه‌رۆكی ئه‌نجومه‌نی نوێنه‌ران پێشوازی له سه‌رۆك وه‌زیرانی ئۆردن وشاندی یاوه‌ری ده‌كات
له‌دیداره‌كه‌دا تاوتوێی په‌یوه‌ندی دووقۆڵی نێوان هه‌ردوو وڵات له‌هه‌موو بواره‌كاندا به‌تایبه‌تی لایه‌نی ئاسایش وئابوری وچۆنیه‌تی په‌ره‌پێدانی له‌پێناو خزمه‌تكردنی هه‌ردوو وڵات.
له‌دیداره‌كه‌دا تاوتوێی په‌یوه‌ندی دووقۆڵی نێوان هه‌ردوو وڵات له‌هه‌موو بواره‌كاندا به‌تایبه‌تی لایه‌نی ئاسایش وئابوری وچۆنیه‌تی په‌ره‌پێدانی له‌پێناو خزمه‌تكردنی هه‌ردوو وڵات.
سه‌رۆك جبوری دووپاتیكرده‌وه كه عیراق وشانشینی ئۆردن تێڕوانینی هاوبه‌شیان بۆ زۆر دۆسیه‌ی ناوچه‌كه هه‌یه، بۆیه پێویسته گفتوگۆكان له‌سه‌ر هه‌موو ئاسته‌كاندا به‌رده‌وام بن، له‌به‌ر ئه‌وه‌ی بڕوامان وایه كه ئه‌و گفتوگۆیانه ده‌ستكه‌وتی راسته‌قینه به‌دستمانه‌وه ده‌دات وكاریگه‌ری گه‌وره‌ی ده‌بێت له‌سه‌ر پاڵپشتیكردنی گه‌شه‌پێدان وچه‌سپاندنی ئاشتی وئاسایش له هه‌ردوو وڵات وناوچه‌كه‌دا.
هه‌روه‌ها جبوری هه‌ڵوێستی شای ئۆردنی به‌رزنرخاند به‌تایبه‌تی دوای ئه‌و دیداره‌ی كه پێش ماوه‌یه‌ك له‌گه‌ڵیدا ئه‌نجامدابوو، وگرنگیدانی به دۆسیه‌ی عیراقی وخواستی ئه‌و بۆ زاڵبونی ئاسایش وسه‌قامگیری له عیراق وگه‌ڕانه‌وه‌ی ڕۆڵی زامنی عیراق بۆ ئاسایشی جیهانی عه‌ره‌بی وگرنگیدانی به سه‌ركه‌وتنی چاره‌سه‌ری سیاسی وئاشتبوونه‌وه‌ی نشتیمانی له عیراق.
هه‌روه‌ها جبوری متمانه‌ی خۆی پیشاندا كه لووتكه‌ی عه‌ره‌بی داهاتوو له عه‌ممان ده‌بێته قۆناغێكی گواستنه‌وه‌ی زۆرباش وهیوای خواست كه دۆسیه‌ی عیراق وشه‌ڕی دژی تیرۆر وپاراستنی ئاشتی میللی، له‌سه‌ر خشته‌ی كاره‌كانی ئه‌و لووتكه‌یه‌دا بێت.
له‌لایه‌ن خۆیه‌وه سه‌رۆك وه‌زیرانی ئۆردن ڕۆڵی سه‌رۆكی ئه‌نجومه‌نی نوێنه‌رانی عیراقی له هه‌موو بواره‌كاندا به‌رزنرخاند به‌تایبه‌تی له بواری به‌هێزكردنی هاوكاری ئابوری و وه‌به‌رهێنان له نێوان هه‌ردوو وڵات و دووپاتیكرده‌وه كه په‌یوه‌ندی برایه‌تی له‌نێوان هه‌ردوو گه‌لدا به‌هێزو پته‌وه.
نووسینگه‌ی راگه‌یاندنی
سه‌رۆكی ئه‌نجومه‌نی نوێنه‌ران
9/1/2017