پرسه‌نامه بۆ كۆچی دوایی سەرکردەو تێکۆشەری ماندونەناسی گەلەکەمان جەنابی مام جەلال
بەداخ و پەژارەیەکی زۆرەوە هەواڵی کۆچی دوایی سەرکردەو تێکۆشەری ماندونەناسی گەلەکەمان جەنابی مام جەلال سەرۆککۆماری پێشوی عێراق و سکرتێری گشتی یەکێتی نیشتمانی کوردستانمان پێگەیشت.
لەدەستدانی ئەم کەڵە سیاسیە دیارەی کوردستان و عێراق و ناوچەکە کە بەدرێژایی نیو سەدەی ڕابردو ڕۆڵێکی کاراو گرنگی لەڕوبەڕوبونەوەی دیکتاتۆرییەت و ستەمکاری گێڕاو بێوچان خەباتیکرد بۆ بەدیهێنانی مافە ڕەواکانی گەلانی عێراق بەگشتی و خەڵکی کوردستان بەتایبەتی، خەسارەت و کۆستێکی گەورەیە بۆ هەمولایەک .
لەم بۆنە خەمناکەدا سەرەخۆشی لەخانەوادەو دۆست و هەڤاڵانی مەکتەبی سیاسی و سەرکردایەتی و یەکە بەیەکەی هەڤاڵانی یەکێتی دەکەین، لەخوای گەورە داواکارین خواڵێخۆشبوو بەبەهەشتی بەرینی خۆی شادبکات و سەبوری هەمولایەک بدات.
ئارام شێخ محەمەد
سێشه‌ممه۳/۱٠/۲٠۱۷
بەغداد