سه‌رۆكی ئه‌نجومه‌نی نوێنه‌ران چاوی به شاندێكی خه‌ڵكی عامریه ده‌كه‌وێت بۆ تاوتوێكردنی كێشه‌كانی ناوچه‌كه‌و دۆزینه‌وه‌ی چاره‌سه‌ری گونجاو خێرا
سه‌رۆكی ئه‌نجومه‌نی نوێنه‌ران دكتۆر سه‌لیم جبوری، ئه‌مڕۆ سێشه‌ممه 19/12/2017 به‌ئاماده‌بوونی هه‌ریه‌ك له به‌ڕێزان وه‌زیری كاره‌با قاسم فه‌هداوی و پارێزگاری به‌غدا عه‌توان عه‌توانی و بریكاری وه‌زاره‌تی په‌روه‌رده ئیبراهیم عه‌بد مه‌ولا و بریكاری وه‌زاره‌تی ته‌ندروستی دكتۆر حازم جومه‌یلی، چاوی به شاندێكی خه‌ڵكی عامریه كه‌وت.
له‌دیداره‌كه‌دا تاوتوێی كێشه‌كانی ناوچه‌ی عامریه له‌سه‌ر ئاستی خزمه‌تگوزاری وچۆنیه‌تی چاره‌سه‌ركردنی كرا.
سه‌رۆكی ئه‌نجومه‌نی نوێنه‌ران دووپاتیكرده‌وه كه لایه‌نی خزمه‌تگوزاری و بژێوی ژیانی هاوڵاتیان ئامانجی هه‌موولایه‌كه، به‌تایبه‌تی دوای سه‌ركه‌وتنی عیراقیه‌كان به‌سه‌ر تیرۆردا وده‌ستپێكردنی قۆناغی دوای تیرۆر كه باشبوونێكی به‌رچاوی بواری ئاسایش له‌هه‌موو ناوچه‌كانی وڵاتدا به‌دیده‌كرێت.
هه‌روه‌ها جبوری رۆڵی وه‌زاره‌ته په‌یوه‌ندیداره‌كانی له به‌ده‌مهاتنی داواكاری هاوڵاتیان و كاركردنیان بۆ په‌ره‌پێدانی بواری خزمه‌تگوزاری بۆ ناوچه‌كانی به‌غدا و پارێزگاكانی به‌رزنرخاند وئاماژه‌یكرد كه هاریكاری و هه‌ماهه‌نگی له‌نێوان داموده‌زگاكاندا ده‌ره‌نجامی پۆزتیڤ و باشی لێده‌كه‌وێته‌وه.
فه‌رمانگه‌ی راگه‌یاندنی
سه‌رۆكی ئه‌نجومه‌نی نوێنه‌رانی عیراق
19/12/2017