سه‌رۆكی ئه‌نجومه‌نی نوێنه‌ران پێشوازی له شاندێكی رۆشنبیرو مامۆستایانی زانكۆ له پارێزگای سه‌لاحه‌ددین ده‌كات
سه‌رۆكی ئه‌نجومه‌نی نوێنه‌ران دكتۆر سه‌لیم جبوری، ئه‌مڕۆ سێشه‌ممه 19/12/2017 پێشوازی له شاندێكی رۆشنبیرو مامۆستایانی زانكۆ له پارێزگای سه‌لاحه‌ددین كرد.
له‌دیداره‌كه‌دا تاوتوێی بارودۆخی عیراق به‌گشتی ورۆڵی رۆشنبیران له راستكردنه‌وه‌ی رێڕه‌وی سیاسی وپێگه‌یاندنی پرۆسه‌ی دیموكراتی وكارتێكردنی پۆزه‌تیڤانه له‌سه‌ر رای گشتی بۆ وروژاندنی بۆچوونی گونجاو بۆ چاككردنی بارودۆخی وڵات كرا.
هه‌روه‌ها تاوتوێی بارودۆخی پارێزگای سه‌لاحه‌ددین وچۆنیه‌تی باشتركردنی باری خزمه‌تگوزاری بۆ هاوڵاتیان كرا، سه‌ره‌ڕای تاوتوێكردنی ئینسافكردنی توێژی رۆشنبیرو مامۆستایانی زانكۆ له‌ڕێگه‌ی ده‌ركردنی یاسای پێویست له‌لایه‌ن ئه‌نجومه‌نی نوێنه‌رانه‌وه.
فه‌رمانگه‌ی راگه‌یاندنی
سه‌رۆكی ئه‌نجومه‌نی نوێنه‌رانی عیراق
19/12/2017