سه‌رۆكی ئه‌نجومه‌نی نوێنه‌ران هاریكاری و هه‌ماهه‌نگی هاوبه‌ش له‌پێناو به‌رجه‌سته‌كردنی سه‌قامگیری سیاسی و ئابوری له‌گه‌ڵ سه‌رۆكی توركیا تاوتوێده‌كات
سه‌رۆكی ئه‌نجومه‌نی نوێنه‌ران دكتۆر سه‌لیم جبوری، ئه‌مڕۆ پێنج شه‌ممه 15/3/2018 له‌شاری ئه‌نقه‌ره، چاوی به سه‌رۆككۆماری توركیا ره‌جه‌ب ته‌یب ئه‌ردۆگان كه‌وت.
له‌دیداره‌كه‌دا تاوتوێی بارودۆخی سیاسی له‌ناوچه‌كه كرا وجه‌خت له‌سه‌ر ره‌خساندنی ده‌رفه‌تی نوێ له‌بواری هاریكاری هاوبه‌ش وپه‌ره‌پێدانی په‌یوه‌ندی دووقۆڵی وخزمه‌تكردنی گه‌لانی هه‌ردوولا كرایه‌وه.
هه‌روه‌ها رۆڵی عیراق له‌بواری قه‌لاچۆكردنی تیرۆر وتێكشكاندنی تیرۆریستانی داعش وپاڵپشتیكردنی كۆمه‌ڵگه‌ی نێوده‌وڵه‌تی بۆ عیراق له‌و جه‌نگه‌دا وده‌رهاوێژته‌كانی له‌سه‌ر بارودۆخی مرۆیی و ئاواره‌كان خرایه‌ڕوو.
هه‌ر له‌دیداره‌كه‌دا تاوتوێی هه‌ماهه‌نگی وهاریكاری هاوبه‌ش كرا بۆ به‌رپاكردنی سه‌قامگیری هه‌میشه‌یی به‌تایبه‌تی له‌بواره‌كانی سیاسی و ئاسایش و ئابوری و هه‌وڵه‌كانی وڵاتانی هه‌رێمی بۆ پاراستنی ئاسایش و سه‌لامه‌تی ناوچه‌كه و كاراكردنی هاریكاری له‌بواره‌كانی گه‌شه‌پێدان و وه‌به‌رهێنان و بازرگانیدا.
نووسینگه‌ی راگه‌یاندنی
سه‌رۆكی ئه‌نجومه‌نی نوێنه‌ران
15/3/2018