سه‌رۆكی ئه‌نجومه‌نی نوێنه‌ران پێشوازی له باڵیۆزی به‌ریتانیا ده‌كات وجه‌خت له‌سه‌ر راستكردنه‌وه‌ی پرۆسه‌ی هه‌ڵبژاردن به‌پێی ده‌ستور ده‌كاته‌وه
سه‌رۆكی ئه‌نجومه‌نی نوێنه‌ران دكتۆر سه‌لیم جبوری، ئه‌مڕۆ سێشه‌ممه 5/6/2018 پێشوازی له باڵیۆزی به‌ریتانیا له عیراق به‌ڕێز جۆن ویلكس كرد.
له‌دیداره‌كه‌دا تاوتوێی دیارترین پێشهاته‌كانی سیاسی و ره‌وشی ئاسایشی عیراق و ناوچه‌كه كرا و تیشك خرایه‌سه‌ر چۆنیه‌تی به‌هێزكردنی په‌یوه‌ندی نێوان هه‌ردوو وڵات، هه‌روه‌ها تاوتوێی دۆسیه‌ی پێكهێنانی حكومه‌تی داهاتوو وهه‌وڵه‌كانی لایه‌نه سیاسیه‌كان له‌م چوارچێوه‌یه‌دا كرا.
سه‌رۆكی په‌رله‌مان دوپاتیكرده‌وه كه هه‌وڵی جددی ده‌دات بۆ راستكردنه‌وه‌ی پرۆسه‌ی هه‌ڵبژاردن له‌رێگه‌ی په‌نابردن بۆ شێوازی یاسایی و ده‌ستوری له‌پێناو پارێزگاریكردن له‌ده‌نگی ده‌نگده‌ر، هه‌روه‌ها به‌ڕێزی گوتی كه لایه‌نه سیاسیه‌كان كار ده‌كه‌ن بۆ رێكه‌وتن له‌سه‌ر تێڕوانینێكی دیار بۆ شێوازی حكومه‌تی داهاتوو كه نوێنه‌رایه‌تی هه‌مولایه‌ك بكات.
له‌لایه‌ن خۆیه‌وه جۆن وێلكس پاڵپشتی وڵاته‌كه‌ی بۆ عیراق دوپاتكرده‌وه و رۆڵی سه‌رۆكی په‌رله‌مانی له به‌هێزكردنی پرۆسه‌ی دیموكراتی له‌وڵأتدا به‌رزنرخاند.
نوسینگه‌ی راگه‌یاندنی
سه‌رۆكی ئه‌نجومه‌نی نوێنه‌ران
5/6/2018